Bodhegaon news

बोधेगाव परिसरात ३५ गावांत बालग्रामसभा

बोधेगाव। दि. १४ (गणपत दसपुते)

बालदिनाचे औचित्य साधून बोधेगाव जि. प. शाळेत बालग्रामसभा घेण्यात आली. बोधेगाव परिसरातील ३५ गावांमध्ये या बालग्रामसभा आयोजित करण्यात आल्या होत्या. त्यात आमच्या शाळेला संरक्षक भिंत द्या, शाळेसमोरील कचर्‍याची विल्हेवाट लावा, शाळेला अवांतर वाचनाची पुस्तके द्या, अशा समस्या मांडण्यात आल्या. तसेच त्या सोडविण्यासाठी विविध ठरावही करण्यात आले. बोधेगावचे सरपंच राम अंधारे, उपसरपंच भाऊराव भोंगळे यांच्या उपस्थितीत विद्यार्थ्यांमधून या सभेचा अध्यक्ष व सचिव सभासद निवड करून ही सभा घेण्यात आली. त्यामध्ये चौथीच्या विद्यार्थ्यांनी भाग घेऊन विविध विषयांवर चर्चा केली. याप्रसंगी सरपंच अंधारे व उपसरपंच भोंगळे यांनी विद्यार्थ्यांना मार्गदर्शन केले. यावेळी सु. वि. शिंदे, भा. त्रि. घुले यांनी दिली. या बालग्रामसभेला ग. वि. दसपुते, क. म. पोटभरे, म. शि. मांदळे, सुर्यवंशी, पाटील, गर्कळ, बडे, कुबडे, शेलार केंद्रप्रमुख निर्मला जाधव उपस्थित होते. परिसरातील ३५ गावांत बालग्रामसभा झाल्या. बालकांचे हक्क, कर्तव्ये समस्यांबाबत सविस्तर चर्चा करण्यात आली. त्याचाच भाग म्हणून बोधेगाव जि.प. शाळेत बालग्रामसभा घेण्यात आली. त्यात वेगवेगळे ठराव करण्यात आले.